Menu

የዓድዋን በዓል ስንዘክር ዛሬንም እናስብ!


ዓድዋ በሰሜን ኢትዮጵያ በትግራይ ክፍለ ሀገር የምትገኝ ትንሽ ወረዳ ስትሆን፣ ስሟ ግን ግዙፍ፣ በዓለም ከአጥናፍ እስከ አጥናፍ የተሻገረና የታሪክ ተመራማሪዎችን ዓይን የሳበች ታላቅ ባለታሪክ ቦታ ናት። አድዋ የኢትዮጵያውያን ብቻ ሳይሆን የጥቁር ሕዝቦች የነፃነት ቀንዲል የበራችበት ታላቅ ቦታ።

የዓድዋ ድል አያት ቅድመ-አያቶቻችን የዛሬ አንድ መቶ ሃያ ዓመት የጣሊያንን ጦር ወራሪ ድል ያደረጉበት፣ እኛ ዛሬ በኩራት አንገታችንን ቀና አድረገን እንድንሄድ ክቡር ሕይወታቸውን አሳልፈው የሰጡበት ታሪካዊ የነፃነት ምልክታችን ነው። ከእኛ ከኢትዮጵያውያንም አልፎ መላውን የጥቁር ዘር በኩራት እንዲናገር ያስቻለ ገድል ነው።

ሰማዕቶቻችን ዘርና የሥልጣን ጥቅም ሳያግዳቸው፣ ከአገሪቱ አራቱም ማዕዘናት ተጠራርተው፣ የተኮራረፉ ይቅር ለእግዚአብሔር ተባብለው፣ በአንድነትና በአንድ ልብ ለአገር ክብር በመዝመት ለነፃነታቸው ደማቸውን አፍስሰዋል፤ አጥንታቸውንም ከስክሰዋል። በየጦር ሜዳው ረግፈው እንደወጉና እንደባህሉ ሳይቀበሩ የአሞራ እራት ሆነው የቀሩ ሰማዕቶቻችን እኛ አሁን የምንተነፈስውን የነፃነት ንፁህ አየር በደማቸው አጥርተውልን አልፈዋል። በቅኝ-ግዛት የተገዙ አገሮች ማንነታቸው ጠፍቶባቸው እየተቸገሩ ባሉበት ዓለም ውስጥ፣ የእኛ የኢትዮጵያውያን ማንነት ግን ደም በተገበረለት ተጋድሎ ማንነታችን ተከብሮ ኖሯል፤ ይኖራልም።.....ቀሪውን አስነብበኝ

back to top